13 кастрычніка Сейм Літвы пачаў разглядаць праект папраўкі да закона пра абмежавальныя меры ў сувязі з ваеннай агрэсіяй супраць Украіны. Урад ухваліў праект 30 верасня.
Калі закон прымуць, грамадзяне Беларусі змогуць публічна працаваць у Літве ў адукацыі, навуцы, культуры, мастацтве, спорце і забаўляльнай сферы толькі пасля таго, як падпішуць дэкларацыю. У ёй трэба асудзіць агрэсію Расіі супраць Украіны і падтрымаць тэрытарыяльную цэласнасць Украіны. Дэкларацыя будзе публічнай: падпісаць яе азначае таксама дазволіць яе апублікаваць. Правіла тычыцца таксама ўсіх, хто жыве ў Беларусі ці Расіі, і арганізацый з гэтых краін.
Працаваць не дазволяць таксама тым, хто працаваў на акупаваных тэрыторыях Украіны, падтрымлівае вайну ці рэпрэсіі. Арганізатары і арганізаткі мерапрыемстваў у Літве павінны будуць публікаваць звесткі пра тое, што ўдзельнікі і ўдзельніцы выконваюць гэтыя правілы. Дамовы, заключаныя да канца 2026 года, трэба будзе перагледзець да 28 лютага 2027 года.
Пакуль невядома, як будзе выглядаць дэкларацыя і што менавіта закон лічыць публічнай працай. Гэта павінен вызначыць урад да 15 снежня.
Сейм вернецца да праекта 19 лістапада. Калі закон прымуць, ён пачне дзейнічаць 1 студзеня 2027 года.
навіны | магчымасці | чат | сайт
Instagram | Facebook | Падтрымаць!
Vyriausybė pritarė siūlymui riboti agresiją remiančių rusų ir baltarusių veiklą Lietuvoje
Vyriausybė trečiadienį pritarė siūlymui riboti agresiją prieš Ukrainą remiančių Rusijos ir Baltarusijos veikėjų veiklą L…