Дзве рэзідэнцыі ад Cité internationale des arts Ддл: 30 кастрычніка.✦✦✦ Art Explora x Cité internat…

Дзве рэзідэнцыі ад Cité internationale des arts

Ддл: 30 кастрычніка.

✦✦✦

Art Explora x Cité internationale des arts — рэзідэнцыя ў Парыжы на 3 або 6 месяцаў

Сёмы набор: каля 20 чалавек з любой краіны і без узроставых абмежаванняў, але з прынамсі пяццю гадамі практыкі і міжнародным досведам.
Чакаюць праекты на скрыжаванні мастацтва і навукі, пра сацыяльныя, экалагічныя і тэхналагічныя пытанні.

Прапануюць: студыю каля 50 м² для жыцця і працы, 1000 EUR на месяц, вытворчы грант 3000 EUR і пакрыццё падарожжа. Калектыву — 2000 EUR на месяц на ўсіх. Плюс куратарская падтрымка і ментарскія сустрэчы.

Дадаць у Google-каляндар

✦✦✦

Villa Bloch x Cité internationale des arts — рэзідэнцыя ў Пуацье для былых рэзідэнтаў(-ак) Cité

Для франкамоўных драматургаў(-гінь), рэжысёраў(-ак), харэографаў(-к), кампазітараў(-ак), артыстаў(-к) цырка і перформансу. Галоўная ўмова — вы ўжо былі або зараз знаходзіцеся ў рэзідэнцыі Cité у Парыжы.

Прапануюць: 1250 EUR брута на месяц, пражыванне з месцам для працы ў Villa Bloch, дарогу Парыж – Пуацье і праязны на гарадскі транспарт.