Так, нам усім цяжка сутыкацца з адмовамі Але адмова — гэта не дыягназ вашаму праекту (хаця часта ад…

Так, нам усім цяжка сутыкацца з адмовамі

Але адмова — гэта не дыягназ вашаму праекту (хаця часта адчуваецца менавіта так).

У многіх конкурсах success rate на ўзроўні 5% — гэта не катастрофа, а статыстычная рэальнасць, да якой трэба звыкнуцца і прыняць.

Гэта значыць, з 100 пададзеных заявак фінансуюцца, напрыклад, 5, а то і менш. […] 95 арганізацый атрымалі адмову, і далёка не заўсёды таму, што ў іх была дрэнная ідэя.

• Часам проста не хапіла бюджэту конкурса.
• Часам ваша заяўка была добрай, але не трапіла ў прыярытэтнае вакно менавіта гэтым разам.
• Часам канцэпт быў моцным, але слабей адпавядаў бягучай палітыцы праграмы.

Таму пасля адмовы важна спытаць не толькі «чаму нам не далі?», але і «што мы можам з гэтага вынесці?»
• Ці сапраўды гэты конкурс нам пасаваў;
• Ці была ў заяўцы ясная логіка;
• Ці не быў праект занадта амбіцыйны або, наадварот, занадта агульны;
• Дзе не хапіла доказаў;
• Ці быў дастаткова моцны кансорцыум;
• Што можна выправіць тэкстам, а што патрабуе змены самога праекта.

І яшчэ: нават адабрэнне не заўсёды значыць, што грошы хутка прыйдуць на рахунак. Паміж рашэннем, падпісаннем дамовы і першым траншам могуць прайсці месяцы. А ў гэты час камандзе ўжо трэба планаваць працу, быць у кантакце з партнёрамі, кіраваць абавязацельствамі.

У чацвер у лекцыі 1.4 «Грантавы фандрайзінг як сістэма: фрэймворкі, крыніцы, кансорцыумы» разбяром, як паказваць логіку праекта праз LogFrame і Theory of Change, як шукаць прыдатныя крыніцы фінансавання, будаваць пайплайн магчымасцяў, уваходзіць у партнёрствы і аналізаваць адмовы так, каб яны ўзмацнялі наступныя заяўкі.

Лектарка: Аліна Яблонскі – спецыялістка па грантавым менеджменце, фандрайзінгу і стратэгічным развіцці.