«Жывая бібліятэка» у Вільнюсе: сустрэча з людзьмі і іх асабістымі гісторыямі 23 траўня

«Жывая бібліятэка» | #Вільнюс, #Літва

→ «Жывая бібліятэка» запрашае на сустрэчу, дзе замест кніг — людзі і іх асабістыя гісторыі.

◉ Калі: 23 траўня, 12:00-16:00.
◉ Дзе: Paviljonas, Pylimo g. 21B, Вільнюс.

Што такое Жывая бібліятэка?
Гэта фармат сустрэч, у якім ролю кніг выконваюць людзі. Кожная «Кніга» мае свой унікальны жыццёвы досвед, якім хоча падзяліцца ў адкрытым дыялогу.

Як усё праходзіць?
Пасля рэгістрацыі ўдзельні_цы загадзя атрымліваюць Каталог Кніг і выбіраюць тых, з кім ім цікава паразмаўляць. Сустрэчы адбываюцца ў невялікіх групах, доўжацца каля 30 хвілін і праходзяць у камфортнай і паважлівай атмасферы. За час мерапрыемства можна далучыцца да некалькіх размоў.

Чаму варта прыйсці?
Каб пачуць сапраўдныя гісторыі, лепш зразумець іншых і сябе. Гэта магчымасць сустрэцца з разнастайнасцю без стэрэатыпаў.

Далучайцеся і станьце Чытач_камі ў нашай Жывой бібліятэцы!