◉ Калі: 7 сакавіка (субота), 12:00-16:00. ◉ Дзе: Вільнюс (дакладнае месца пасля рэгістрацыі). ◉ Мовы: беларуская, руская.
Што такое Жывая бібліятэка? Гэта месца, дзе замест кніг – людзі. Тут можна пачуць асабістыя гісторыі і даведацца пра розныя жыццёвыя шляхі. Кожн_ая можа выбраць Кнігу і далучыцца да жывога дыялогу.
Як гэта адбываецца? Зарэгістраваныя удзельні_цы загадзя атрымліваюць Каталог Кніг і абіраюць, з кім хочуць паразмаўляць. Кожная размова доўжыцца каля 30 хвілін і праходзіць у невялікай групе – у бяспечнай, уважлівай атмасферы. За ўвесь час мерапрыемства можна наведаць некалькі такіх размоў.
