Папера супраць калючага дроту: чаму для палітвязняў важныя нашы лісты?

Колькасць прызнаных палітвязняў у Беларусі перавышае 1200 чалавек.
Толькі за травень праваабаронцы @viasna96 зафіксавалі 96 палітычна матываваных прысудаў.

Рэжым робіць усё магчымае, каб беларусы і свет забыліся на асуджаных па палітычных матывах. Але гэтага не будзе. Палітвязням трэба ведаць, што пра іх памятаюць, і лепшы спосаб паказаць гэта наўпрост зняволенаму чалавеку — напісаць ліст.

На нашай паштоўцы — малюнак ад палітзняволенага прадпрымальніка з Гродна Міхаіла Юдзіна. Міхаіла асудзілі за ўдзел у пратэстнай акцыі ў 2020 годзе – цяпер ён адбывае 4 гады ў калоніі. Ліст падтрымкі можа палепшыць дзень Міхаіла ў несправядлівым зняволенні.

Пішыце палітвязню па адрасе:
Міхаіл Мікалаевіч Юдзін
ПК № 17. 213004, г. Шклоў, вул. 1-я Заводская, 8

Інфармацыю, каб напісаць іншым палітвязням, шукайце на сайтах Dissidentby, Politzek.me, «Вясны».

@v_pashtouki