Спачатку Мінадукацыі ўвяло “абавязковы элемент школьнай формы”. А цяпер ад бацькоў вучняў патрабуюць набываць камізэлькі толькі ў канкрэтнага вытворцы — фабрыкі “Палессе”. Пра гэта @euroradio распавядаюць бацькі мінскіх школьнікаў.

“Цяпер з гэтым строга, мы на кантролі ў міністэрства”, — адказваюць класныя кіраўнікі на прапанову набыць “абавязковы элемент” у іншага вытворцы. А заўтра кіраўніца канцэрна “Легпрам” Таццяна Лугіна распавядзе па БТ пра шалёны рост попыту.

Ці не. Бо камізэлькі апынуліся ў дэфіцыце. “Палессе” не спраўляецца. Бацькі бегаюць па крамах і ў чатах падказваюць адно аднаму адрасы, дзе “абавязковыя элементы школьнай формы” патрэбных памераў і колераў яшчэ засталіся.
А як адбываюцца справы ў вас?