By Belkorpus Ліст ад ад 10.10.22г.
“Уразіла рашэнне Крамля пра анэксію чатырох украінскіх абласцей. Цяпер знікае нават прадмет для перамоў паміж Кіевам і Масквой. І застаецца толькі вайна на знясільванне. Гледзячы на эскалацыю паветраных удараў па Кіеву і іншым украінскім гарадам у Крамлі хочуць пазбегнуць зацягвання канфлікту, бо эканамічную вайну на працягу доўгага часу Расіі весці вельмі складана. Бо гэта будзе вайна з паловай свету.
Трывогу выклікае размяшчэнне новых расійскіх войскаў на нашай зямлі. Заявы пра тое, што гэта “на ўсялякі выпадак”, не супакойваюць.
Ты памятаеш, што я пісаў у студзені пра другі магчымы накірунак ўдару. Да таго ж, чужыя войскі лёгка ўпусціць і вельмі цяжка ад іх пазбавіцца.”
“У “СБ” прачытаў лаянку на Алеся. Там жа прачытаў, што Алесь разам з расійскімі ды ўкраінскімі праваабаронцамі атрымаў Нобелеўскую прэмію міру. Рады за яго і нас, бо невялікая Беларусь мае ўжо двух Нобеляў. І з такім невялікім інтэрвалам.
Мае віншаванні Алесю і Наташы.”
З Фэйсбуку Марыны Адамовіч
Падтрымаць палітвязня: ПК № 13, 211791, Глыбокае, Савецкая, 205, Статкевічу Мікалаю Віктаравічу