By Belkorpus Прадстаўніца Аб’яднанага пераходнага кабінета па нацыянальным адраджэнні Аліна Коўшык піша аб тым, што зараз у Беларусі вельмі актыўна ідзе небяспечнае збліжэнне, а дакладней — інкарпарацыя беларускай сістэмы адукацыі ў расейскую. Пра небяспеку гэтай тэндэнцыі казалі і раней, але зараз працэс ідзе актыўна, як ніколі. Толькі за апошнія тыдні назіралася:
Працягванне збліжэння і ўстанаўлення кантактаў устаноў адукацыі Беларусі і Расеі на розных узроўнях. Супрацоўніцтва паміж дзвюма сістэмамі адукацыі не толькі па лініі навуковай і адукацыйнай, але спартыўнай і культурнай.
Узмацненне ідэалагічнай тэмы вайны і «генацыду беларускага народа» у гады ВАВ, як на ўзроўні вышэйшага выкарыстання адукацыі, так і на ўзроўні агульнай сярэдняй адукацыі (правядзенне выхаваўчых мерапрыемстваў, круглых сталоў, дыскусій і г.д.). Асноўным удзельнікам мерапрыемства зʼяўляецца так званая пракуратура.
Тэндэнцыі да стварэння ў адукацыйнай прасторы вобраза «адзінай прасторы двух краін», пры асаблівай увазе да інтэграцыйных працэсаў і «Саюзнай дзяржавы».
«Праз школы ў розумы беларускіх дзяцей заходзіць рускі мір. Гэтаму трэба супрацьстаяць – праводзіць размовы з дзецьмі, ігнараваць падобныя элементы праграмы і падзеі. Набліжаць нашых дзяцей да беларускай мовы і гісторыі, напрыклад, праз супольнае чытанне кніг. Вучыць малодшае пакаленне крытычнаму мысленню. Што могуць рабіць прафесіяналы? Адбудоўваць нацыянальную сістэму адукацыі ўжо зараз. Пісаць праграмы, ствараць дыдактычна-навучальныя матэрыялы і падручнікі. Падтрымліваць тых настаўнікаў, якія засталіся. Гэта рэальная праца на карысць будучыні нашай краіны», — піша Аліна Коўшык.