Былы пробашч мінскага Чырвонага касцёла ксёндз Уладзіслаў Завальнюк заклікае дапусціць вернікаў да касцёла. Адпаведны адкрыты зварот да дырэктара прадпрыемства “Мінская спадчына” і старшыні Мінгарвыканкама Завальнюк
размясціў на Youtube-канале “Голас душы”.
Ён просіць дазволіць вернікам наведаць саркафаг Эдварда Вайніловіча, які знаходзіцца пры касцёле, каб пакланіцца, ускласці кветкі і знічы.
Касцёл святых Сымона і Алены (вядомы як Чырвоны касцёл) закрыты для вернікаў ужо больш за тры гады. Летась там пачаўся рамонт, які павінен завяршыцца ў студзені 2027-га.