Буслы стартавалі з Афрыкі дадому!
Польскія арнітолагі паведамілі, што белы бусел Другі з перадатчыкам вырушыў з месца зімоўкі ля сталіцы Чада Нджамэны на поўнач у Еўропу. Птушка знаходзіцца ў дарозе ўжо некалькі дзён.
Паралельна з белымі павінны вырушыць у далёкае падарожжа дадому і дарослыя чорныя буслы. Звычайна першыя буслы вяртаюцца ў Беларусь у сярэдзіне сакавіка.
Наперадзе ў птушак тысячы кіламетраў і шмат выпрабаванняў.
Зычым крылатым вандроўнікам лёгкага і бяспечнага пералёту дадому! Вельмі чакаем.
Дзякуем за фота Аляксею Барысаву!
На карце – перамяшчэнні белага бусла, са старонкі Grupa EkoLogiczna, Facebook.
