На Першым усебеларускім з’ездзе быў такі выпадак. Прадстаўнік бальшавікоў Людвіг Рэзаўскі сарваў беларускі сцяг, назваў яго “национальной тряпкой” ды заклікаў замяніць яго “красным знаменем интернационала”. Уся зала “выбухнула”, а некаторыя ў вайсковай форме нават кінуліся, каб расправіцца з камуністам. Аднак сітуацыю (а дакладней чужака) выратаваў ураджэнец Віленшчыны генерал Аляксееўскі, які падняў і пацалаваў сцяг ды заклікаў не праліваць кроў.
Кароткая гісторыя, якая тлумачыць, адкуль карані супрацьстаяння беларускага руху і саветаў, чаго працяг бачым сёння.