Самалёт «Белавія» Менск — Баку вярнуўся ў аэрапорт праз паўгадзіны пасьля ўзлёту
https://smarturl.click/13BXY
Борт вылецеў у 23:17, зьдзейсьніў пасадку ў Менску прыкладна ў 23:50.
Самалёт кампаніі «Белавія», які рухаўся маршрутам Менск — Баку, вярнуўся ў аэрапорт пасля ўзлёту позьнім вечарам 12 лістапада, вынікае са зьвестак Flightradar24.
Пасьля вяртаньня пасажыраў перасадзілі на рэзэрвовы самалёт, які вылецеў у сталіцу Азэрбайджану толькі праз 3,5 гадзіны, паведаміў тэлеграм-канал «ОтВинта | Авиация Беларуси».
У «Белавія» здарэньне патлумачылі тым, што камандзір экіпажу выявіў тэхнічныя няспраўнасьці самалёта і прыняў рашэньне аб вяртаньні ў Менск.