Ужо больш за 14 гадзін мы не маем ніякай інфармацыі пра Міколу Статкевіча. Палітык адмовіўся быць дэпартаваным з Беларусі пасля вызвалення і вярнуўся ў краіну.
Ужо ўчора ўвечары прапаганда спрабавала ўкідваць фэйк, што ён “уцёк у Літву”. Відавочна, гэта няпраўда.
Ці могуць Статкевіча затрымаць ізноў? Вядома, у Беларусі затрымаць можна ўсіх, акрамя таго, хто нарабіў больш за ўсіх злачынстваў.
Але гэта дадае беларускім уладам крыху галаўнога болю: фармальна пасля памілавання нельга судзіць чалавека па тых жа абвінавачаннях, за якія яго ўжо пакаралі. То-бок сілавікам тады давядзецца шукаць новыя нагоды. Але гэта толькі калі дапусціць, што ў краіне нечакана вырашаць зрабіць па законе.
На фота: Статкевіч учора на памежным пераходзе паміж Беларуссю і Літвой. Палітык сядзеў там некалькі гадзін. Калі прыглядзецца, можна заўважыць усьмешку.