“На сёння магчымыя такія вызваленні або ніякія наогул”. Спецыялістка па палітычнай камунікацыі, дачк…
“Як дачка палітвязня, якой далі велізарны, надмерны тэрмін, я магу сказаць, што для мяне лепшы той працэс, які магчымы, а не той працэс, які тэарэтычна быў бы ідэальны. Больш за тое, я на сувязі з мамай [паліталагіняй Валерыяй Касцюговай]. Яна не хацела б з’язджаць з Беларусі, яна хацела б застацца. Але калі такой магчымасці не будзе, яна ўсё ж аддасць перавагу выйсці і з’ехаць”.
Касцюгова спрачаецца з тым, што ёсць нейкі “правільны” спосаб вызвалення вязняў. Яна ўпэўненая, што гэта ілжывая дыхатамія.
“… У рэальнасці ёсць такі, які на сёння магчымы, і больш ніякага іншага няма. Той, які на сёння магчымы, павінен працягвацца. Пры гэтым, ён ніякага не спыняе ад таго, каб хацець большага: хацець спынення рэпрэсій, аднаўлення ў правах, магчымасці бяспечна вярнуцца дадому. Я таксама ўсяго гэтага хачу. Але я разумею, што прама зараз атрымаць адразу ўсё з гэтага няма магчымасці”.
Касцюгова нагадвае: дыктаваць умовы вызвалення людзей не могуць нават ЗША. І заклікае абіраць магчымае, а не пажаданае.
Дарэчы, 16 верасня Настасся Касцюгова будзе ў эфіры @euroradio! Вы можаце рыхтаваць свае пытанні адносна яе пазіцыі.