Як выглядаюць камэры турмы «Валадаркі», якую нядаўна закрылі
Колішні палітвязень, журналіст Ягор Марціновіч паведаміў, што знайшоў падборку актуальных здымкаў з турмы на вуліцы Валадарскага, якую цяпер разьбіраюць пасьля «перасяленьня» вязьняў у новую турму, што пабудавалі ў Калядзічах.
«Людзей ужо няма, але нары засталіся. Дзе-нідзе адбілі сьцены і падлогу. Спачатку я ўсумніўся — можа, гэта камэры з нейкага іншага СІЗА? Але карцінкі з прагулачнымі дворыкамі сапраўды валадарскія, таму схільны верыць усяму пакету здымкаў. Хто там быў, той нічога незвычайнага ня ўбачыць. А астатнія могуць ацаніць колькасьць месца на чалавека. У такіх умовах некаторыя жылі нават не месяцамі, а гадамі», — напісаў Марціновіч.