«У Польшчы ўжо стаяць кібэртанкі», — віцэ-прэмʼер Кшыштаф Гаўкоўскі
Улады Польшчы заявілі, што ўварваньне дронаў суправаджалася хваляй дэзынфармацыі. І назвалі 7 асноўных наратываў, якія разьвіваліся прапагандыстамі з Усxоду.
1️⃣ «Дзяржава не папярэджвае грамадзян пра пагрозу».
2️⃣ «Украінцы ўцягваюць Польшчу ў вайну» — і таму, маўляў, ня зьбілі іх яшчэ над сваёй тэрыторыяй.
3️⃣ «Польскае войска не гатовае да абароны» — бо зьбіла лічаныя дроны.
4️⃣ «Урад хоча перакласьці адказнасьць за абарону на NATO».
5️⃣ «Расея не адказвае за атаку» — бо, маўляў, ня мае з гэтай атакі ніякай выгады.
6️⃣ «Зьнішчэньне дронаў аслабляе абарону» — бо расходуюцца каштоўныя боепрыпасы.
7️⃣ «Польшча ў стане вайны з Расеяй». (Каб выклікаць паніку ў грамадзтве).
Сярод іншых прыкладаў прыводзіцца і пазыцыя ўладаў Беларусі пра тое, што яны не датычныя да інцыдэнту.