У Менску працягнуць зносіць прыватны сэктар, а хрушчоўкі ня будуць
Старшыня Менгарвыканкаму Ўладзімер Кухараў адказаў на пытаньне пра «хрушчоўкі» і іх лёс у беларускай сталіцы. Ён адзначыў, што іх будуць ня зносіць, а рамантаваць.
«Абсьледаваньні паказваюць, што хрушчоўкі трэба ня зносіць, а рамантаваць, і яны прастаяць яшчэ доўгі час. Будаваліся яны зь вялікім запасам трываласьці. Таму сур’ёзную ўвагу надаем капітальнаму рамонту. У год рамантуецца больш за мільён квадратных мэтраў жыльля», — цытуе Кухарава агенцтва «Менск-Навіны».
Прыватны сэктар у сталіцы, наадварот, будуць працягваць паступова зносіць.
«Аднапавярховыя спарахнелыя дамы паступова зносяцца, а для іх расьсяленьня ўзводзіцца сучаснае камфортнае жыльлё», — сказаў кіраўнік выканкаму.
Фота БелТА