На праваабаронцу «Вясны» Леаніда Судаленку завялі новую крымінальную справу
Следчы камітэт Беларусі ўзбудзіў чарговую крымінальную справу супраць былога палітвязня, праваабаронцы Леаніда Судаленкі, піша @MAYDAYMog.
Следчы камітэт Беларусі ўзбудзіў чарговую крымінальную справу супраць былога палітвязня, праваабаронцы Леаніда Судаленкі, піша @MAYDAYMog.
Гэта ўжо трэцяя справа супраць абаронцы. У лістападзе 2021 Леаніда асудзілі да 3 гадоў зняволення. Праваабаронца выйшаў на волю 21 ліпеня 2023, цалкам адбыўшы свой тэрмін — за кратамі Судаленку ўтрымлівалі два з паловай гады. Праз два тыдні пасля вызвалення ён з’ехаў з Беларусі, эміграваў у Літву. Аднак рэпрэсіі супраць яго не спыніліся.
У 2024 праваабаронцу завочна прысудзілі яшчэ да 5 гадоў строгага рэжыму ў калоніі для рэцыдывістаў.
Цяпер супраць Судаленкі ўзбудзілі новую крымінальную справу па тым жа «экстрэмістскім» 361-4 артыкуле Крымінальнага кодэкса.