By Belkorpus 
Журналіст Дзяніс Івашын ужо 4 гады за кратамі. Што вядома пра палітвязьня
4 гады таму затрымалі журналіста Дзяніса Івашына. Палітвязень правёў за кратамі ўжо 1461 дзень. У лютым 2025 году на 15 дзён яго зноў накіравалі ў штрафны ізалятар.
Больш за год журналіста Дзяніса Івашына трымаюць у турме № 8 у Жодзіне на строгім рэжыме. Вядома, што ён значна схуднеў, мае праблемы са здароўем.
Зь ліста Дзяніса, які ён даслаў у канцы лютага, сваякі даведаліся, што з 4 па 18 лютага 2025 году палітвязень знаходзіўся ў ШЫЗА.
На фота: Дзяніс Івашын, архіў