By Belkorpus 
Рэдкі выпадак: у Беларусі перайменавалі дзьве чыгуначныя станцыі
Беларуская чыгунка 25 кастрычніка перайменавала дзьве станцыі ў Мазыры. Чыгуначную станцыю Козенкі афіцыйна перайменавалі ў станцыю Мазыр, а ранейшая станцыя Мазыр цяпер называецца Мазыр-Паўночны, прычым па-расейску — «Мозырь-Павночный».
Паводле зьвестак @belzhd_live, станцыя Козенкі была адной зь 10 галоўных станцыяў Гомельскага аддзяленьня БЧ, празь якія дастаўлялі тэхніку й снарады падчас уварваньня расейскага войска з тэрыторыі Беларусі ва Ўкраіну.