Альгерд Бахарэвіч. Сабралі з учорашняга інтэрв’ю думкі пісьменніка пра культуру.
Пра кіно і тэатр:
“…цяпер добра і важна ўсё, што можа дапамагчы нам застацца сабой, перазагрузіцца, захаваць у сабе чалавечнасць і права выбару. І калі хтосьці чэрпае сілы ў кіно або тэатры — ён мае на гэта поўнае права. Усё, што робіць нас мацнейшымі і прадухіляе распад, — правільна.”
Пра талент:
“Талент заўсёды супраць дыктатуры. Таму ён цяпер па-за законам, і таму ў Беларусі на баку дзяржавы столькі змярцвелых бяздарнасцей. А ўсё жывое — за нас.”
Пра мову і літаратуру:
“…чамусьці ў краіне павінны зашкальваць тэрор і гвалт, каб беларусы ўспомнілі нарэшце пра сваю мову, літаратуру, пра сваю гісторыю і годнасць. .. беларускія кніжкі пачалі раскупляцца яшчэ лепш. Расце цікавасць і павага да беларускай мовы — то бок ціск з боку дзяржавы выклікае абсалютна адваротны эфект.”
(поўны тэкст інтэрв’ю)
#культура #літаратура