Арт-тэрапеўтычная групавая сесія па працы з трывогай

Калі трывога затаплівае, хочацца зачапіцца за нешта, замацавацца. Але ў мітусні эмігранцкіх будняў мы забываемся, што апора ёсць у нас саміх – моцная, устойлівая, нязрушная.

На арт-тэрапеўтычнай групавой сесіі правядзём практыку, якая дапаможа адчуць карані, апору ўсярэдзіне нас, убачым свае моцныя бакі, рэсурсы. А таксама ўбачым свой патэнцыял і ўжо саспяваючы плён нашых высілкаў.

Вядоўца: Дар’я –  арт-тэрапеўтка, педагагіня і культуралагіня.Працуе з чалавекам у некалькіх сферах: эмацыйнай, пазнавальнай і анталагічнай.

Дар’я больш за 3 гады займаецца арт-тэрапіяй: «Гэта максімальна асцярожны і мяккі спосаб звароту да падсвядомага, да пашкоджанняў і трывогі».

Удзел вольны. Запіс праз @darya42answer
28 кастрычніка (субота), 14:00-17:00
Месца: Тбілісі, 500м ад плошчы Свабоды (адрас дашлем усім зарэгістраваным)