Ларп «Іншыя?»Сусвет — месца непростае. Розныя планеты, розныя жыхары, розныя звычкі і асаблівасці. І…

Ларп «Іншыя?»

Сусвет — месца непростае. Розныя планеты, розныя жыхары, розныя звычкі і асаблівасці. І як жа ж яны ўсе паміж сабой ужываюцца?

Ларп-дызайнерка Яўгенія Сядова запрашае вас разам даследваць касмічны Сусвет. Хто ведае, можа ў нас атрымаецца знайсці адказ на пытанне, ці «яны» насамрэч «іншыя»?

Падчас ларпа ў вас будзе магчымасць:

паспрабаваць на сабе новую ролю,
паімправізаваць у межах гульнявога сусвету,
паэксперыментаваць над межамі сваёй талерантнасці і ксенафобіі.
Мы будзем шмат размаўляць, трошкі рухацца ды адчуваць.

Ларп (з ангел. «larp» — live action role play) — ралявая гульня жывога дзеяння.
Ларп — гэта не расстаноўкі і не трэнінг, ён бліжэй да тэатра імправізацыі без назіральні_ц. Усё дзеянне ларпа пабудавана на імправізацыі і на актыўным удзеле.

Узрост: 18+
Колькасць гуляючых: ад 8 да 14.
Мовы: беларуская і руская

Калі: 16 снежня (субота), 15:00-19:00
Месца сустрэчы: 500 м ад плошчы Свабода (адрас дашлем зарэгістраваным удзельні_цам)

Удзел вольны.
Рэгістрацыя па спасылцы