Гаў! Гэта зноў я, Монці
Тыдзень атрымаўся настолькі насычаным, што мне давялося ўсё добра абнюхаць, каб нічога не прапусціць. Распавядаю, чым жылі Dapamoga і Беларускі Замак апошнія сем дзён!
Пачалі тыдзень з асаблівай сустрэчы. У Замку сустрэліся з праваабаронцай і былой палітзняволенай Настай Лойка.
А мяне асабліва ўзрадавала адна навіна: пасля вызвалення Наста нарэшце змагла пабачыць свайго сабаку, якога не бачыла чатыры гады! Як сабака афіцыйна заяўляю: чатыры гады без свайго чалавека — гэта неверагодна доўга. Таму за іх сустрэчу я асабліва шчаслівы!
На гэтым тыдні шмат віншавалі! Спачатку — нашага сябра Юрыя Стыльскага, а потым — нашага іншага сябра Сяргея Ціханоўскага. Зычым сіл, здароўя і яшчэ шмат добрых нагод для святкаванняў!
Успомнілі гісторыю выратавання Андрэя Вашчука. Бо гісторыя Dapamoga складаецца з гісторый канкрэтных людзей, якім у патрэбны момант нехта працягнуў руку дапамогі.
А яшчэ адкрылі нашы архівы і падзяліліся старымі фотаздымкамі пра тое, як пачыналася гісторыя Беларускага Замка. Цяпер цяжка ўявіць, колькі сустрэч, падзей і чалавечых гісторый ужо бачылі гэтыя сцены!
А ў Замак прыехала дапамога! Ажно 8 каробак з адзеннем, абуткам і рэчамі для побыту мы атрымалі ад нашых партнёрак з арганізацыі «Розовые косынки». Вялікі дзякуй за падтрымку!
І цяпер афіцыйна: Dapamoga рыхтуецца святкаваць 6 гадоў!
Сустракаемся ў суботу, 5 верасня, а 14:00 у Беларускім Замку. Захоўвайце дату!
А наш святочны збор да 6-годдзя ўжо пераадолеў адзнаку ў 2000 еўра з 6000! Усе сабраныя сродкі пойдуць на ўтрыманне Беларускага Замка. Дзякуй кожнаму і кожнай, хто дапамагае нашаму агульнаму дому жыць!
Выходныя таксама прайшлі актыўна! Мы далучыліся да маршу супраць расізму, прынялі ўдзел у мітынгу, прысвечаным гадавіне Балтыйскага шляху, а таксама адзначылі 35-годдзе Незалежнасці Беларусі
А ў суботу ў Замку пачаўся новы сезон QUIZAVA! Першая гульня была прысвечана Італіі: культура, гісторыя, мастацтва, кухня, музыка — і шмат mamma mia!
Кажуць, на свяце была яшчэ і сапраўдная хатняя лазанья. Мы з маім сябрам Наруцісам ужо распрацавалі бездакорны план, як сцягнуць хаця б кавалачак… Але мама не дазволіла.
Нічога. Мы не сумуем. Мы проста распрацоўваем новы план!
А пасля квіза мы павіншавалі з 33-годдзем нашага сябра і барда Анатоля Хіневіча
Вось такі атрымаўся тыдзень: сустрэчы і ўспаміны, салідарнасць і дапамога, святы і важныя даты, Італія і нават трошкі Сіцыліі.
А наперадзе — новы тыдзень і падрыхтоўка да 6-годдзя Dapamoga!
Так што я пайшоў адпачываць. Сабаку таксама патрэбныя выходныя пасля такога графіка!
Ваш Монці
Тыдзень атрымаўся настолькі насычаным, што мне давялося ўсё добра абнюхаць, каб нічога не прапусціць. Распавядаю, чым жылі Dapamoga і Беларускі Замак апошнія сем дзён!
Пачалі тыдзень з асаблівай сустрэчы. У Замку сустрэліся з праваабаронцай і былой палітзняволенай Настай Лойка.
А мяне асабліва ўзрадавала адна навіна: пасля вызвалення Наста нарэшце змагла пабачыць свайго сабаку, якога не бачыла чатыры гады! Як сабака афіцыйна заяўляю: чатыры гады без свайго чалавека — гэта неверагодна доўга. Таму за іх сустрэчу я асабліва шчаслівы!
На гэтым тыдні шмат віншавалі! Спачатку — нашага сябра Юрыя Стыльскага, а потым — нашага іншага сябра Сяргея Ціханоўскага. Зычым сіл, здароўя і яшчэ шмат добрых нагод для святкаванняў!
Успомнілі гісторыю выратавання Андрэя Вашчука. Бо гісторыя Dapamoga складаецца з гісторый канкрэтных людзей, якім у патрэбны момант нехта працягнуў руку дапамогі.
А яшчэ адкрылі нашы архівы і падзяліліся старымі фотаздымкамі пра тое, як пачыналася гісторыя Беларускага Замка. Цяпер цяжка ўявіць, колькі сустрэч, падзей і чалавечых гісторый ужо бачылі гэтыя сцены!
А ў Замак прыехала дапамога! Ажно 8 каробак з адзеннем, абуткам і рэчамі для побыту мы атрымалі ад нашых партнёрак з арганізацыі «Розовые косынки». Вялікі дзякуй за падтрымку!
І цяпер афіцыйна: Dapamoga рыхтуецца святкаваць 6 гадоў!
Сустракаемся ў суботу, 5 верасня, а 14:00 у Беларускім Замку. Захоўвайце дату!
А наш святочны збор да 6-годдзя ўжо пераадолеў адзнаку ў 2000 еўра з 6000! Усе сабраныя сродкі пойдуць на ўтрыманне Беларускага Замка. Дзякуй кожнаму і кожнай, хто дапамагае нашаму агульнаму дому жыць!
Выходныя таксама прайшлі актыўна! Мы далучыліся да маршу супраць расізму, прынялі ўдзел у мітынгу, прысвечаным гадавіне Балтыйскага шляху, а таксама адзначылі 35-годдзе Незалежнасці Беларусі
А ў суботу ў Замку пачаўся новы сезон QUIZAVA! Першая гульня была прысвечана Італіі: культура, гісторыя, мастацтва, кухня, музыка — і шмат mamma mia!
Кажуць, на свяце была яшчэ і сапраўдная хатняя лазанья. Мы з маім сябрам Наруцісам ужо распрацавалі бездакорны план, як сцягнуць хаця б кавалачак… Але мама не дазволіла.
Нічога. Мы не сумуем. Мы проста распрацоўваем новы план!
А пасля квіза мы павіншавалі з 33-годдзем нашага сябра і барда Анатоля Хіневіча
Вось такі атрымаўся тыдзень: сустрэчы і ўспаміны, салідарнасць і дапамога, святы і важныя даты, Італія і нават трошкі Сіцыліі.
А наперадзе — новы тыдзень і падрыхтоўка да 6-годдзя Dapamoga!
Так што я пайшоў адпачываць. Сабаку таксама патрэбныя выходныя пасля такога графіка!
Ваш Монці