Асацыяцыя палітвязняў Беларусі заклікала далучыцца да акцый пратэсту за мяжой 26 студзеня.
“Лукашэнка хоча, каб ніхто не выйшаў, а нам трэба выйсці ўсім — як у той пераломны момант у 20-м годзе. Трэба зрабіць так, каб увесь свет убачыў нас”, — кажуць актывісты.
Яны прапануюць удзельнічаць у акцыях у масках з меркаванняў бяспекі.
Асацыяцыі палітвязняў Беларусі аб’ядноўвае частку былых палітзняволеных, якія выехалі за мяжу.
Выйсці на акцыі пратэсту 26 студзеня за мяжой, калі ў Беларусі ва ўмовах працягу рэпрэсій будзе праходзіць галасаванне на прэзідэнцкіх выбарах, заклікалі дэмакратычныя сілы.
