ПК №24 – гэта самая сапраўдная жывадзёрня! Там засталіся Вольга Маёрава, Алена Гнаўк, Вікторыя Кульша. Сітуацыя ў гэтых людзей вельмі катастрафічная – яны ўсе ў ШЫЗА і ПКТ! Амаль усім ім будуць зноў фабрыкаваць 411 артыкул (заўв. – злоснае непадпарадкаванне патрабаванням адміністрацыі папраўчай установы).
Я вельмі прашу не забывацца на гэтых людзей і ўсе сілы аддаваць на тое, каб іх вызваліць! Яны вельмі спадзяюцца на вашу дапамогу!
Вось чаму мы не можам спыняць нашу барацьбу!
Шмат людзей там, у няволі, чакаюць і спадзяюцца на нас, тых, хто мае свабоду слова і дзеяння!
Мы можам і мы мусім гаварыць аб тым, што адбываецца насамрэч, і няспынна дабівацца змен у Беларусі сваёю працай!
