9-га жніўня, у той дзень, які 5 год таму зьмяніў нас назаўжды, аб 11:00 адбудзецца роварны прабег у гонар тых раварыстаў, якія былі нашымі вачыма на маршах ды іншых акцыях, ды якія папярэджвалі беларусаў пра засады і кардоны лукашэнкаўскіх карнікаў.
Старт: амбасада Рэспублікі Беларусь (Mindaugo g. 13). Фініш: Лукішскі пляц. Прыязджайце на роварах ды самакатах. Бярыце з сабой сьцягі, беларускія ды літоўскія.
Калі вы раварыст — далучайцеся! Калі сярод вашых сяброў ёсьць раварысты — распавядзіце ім аб гэтай падзеі, каб далучыліся таксама й яны. Разам да Перамогі!
