Жыў кнігай і з няспыннай прагай тварыць. Юлі Таўбін
114 гадоў таму, 15 верасня 1911 г. нарадзіўся Юлі Таўбін — паэт і перакладчык, адзін з наймаладзейшых паэтаў-ахвяраў сталінскага тэрору. Паэт быў расстраляны ў чорную ноч з 29 на 30 кастрычніка 1937 года ва ўзросце 26 гадоў.
«Можна ганарыцца, што ў Беларусі быў свой Рэмбо (я пра фенаменальную адоранасць і раннюю сталасць аўтара, які ўсю сваю «нятленку» стварыў у 17-21 год.)», — так пісаў пра Юлія Таўбіна Андрэй Хадановіч.
