​​Не так даўно лукашэнка пазбавіў вайсковых званняў каля васьмідзесяці чалавек. Зразумела, за што. Г…

​​Не так даўно лукашэнка пазбавіў вайсковых званняў каля васьмідзесяці чалавек. Зразумела, за што. Гэта людзі, што падтрымалі народ і выступілі супраць недазаконня. Некаторыя з іх звольніліся з сілавых структур у знак пратэсту, некаторыя дапамагалі байполу і кіберпартызанам. Некаторыя зараз ваююць за Украіну. Некаторыя – за кратамі, і ім у турме цяжэй за іншых. Пачвары ненавідзяць асаблівай нянавісцю сваіх мужных былых калегаў, бо самі на іх фоне выглядаюць занадта нікчэмнымі.

Мабыць, пацук лічыць пазбаўленне званняў нейкім пакараннем ці прыніжэннем. Але ўсе гэтыя званні нічога не каштуюць, асабліва калі вакол не да законаў, а рэжым саўдзельнічае ў вайне на баку агрэсара. Сапраўдныя каштоўнасці – гэта сумленне, гонар і годнасць, і пазбавіць чалавека гэтых каштоўнасцей немагчыма. Героям свайго народа не патрэбныя званні ці ўзнагароды, каб быць героямі.

Дарэчы, пра ўзнагароды. Іх пацук таксама раздаваў – раздаваў злачынцам, што катавалі, збівалі і забівалі, і працягваюць гэта рабіць. Так, Яўгена Бабака, следчага, што расследваў збіццё пратэстоўцаў і апынуўся ў выніку за кратамі, пазбавілі звання. А пачвары, якіх ён збіраўся абвінаваціць, атрымалі ўзнагароды.

Дык вось, за гэтыя крывавыя медалі скажам галоўнаму пацуку “дзякуй”: справа добрая, у судзе аднойчы пойдуць у якасці доказаў.

Не, вядома ж, дзякаваць яму ніхто не збіраецца. Няхай карпянкоў яму падзякуе, як будуць у суседніх камерах сядзець

Свабоду героям!
Злачынцаў – за краты!
Жыве Беларусь!