By Belkorpus Усе мы зараз пад акупацыяй. Беларусь стала плацдармам для злачыннай вайны, якую вядуць нашыя даўнія ворагі супраць нашых суседзяў. Усё, што нам застаецца – гэта барацьба супраць акупантаў.
Беларусаў неаднаразова вінавацілі ў тым, што мы не спыняем голымі рукамі ракеты расейцаў. Часам мы і самі адчуваем сябе вінаватым. Так, мы не здолелі калісьці сваімі сіламі перамагчы пачварную імперыю, якой зараз супрацьстаіць увесь цывілізаваны свет. Але ж паглядзіце на Віталя Мельніка! Чалавек рызыкнуў жыццём дзеля выратавання ўкраінскіх дзяцей. І кожны дзень беларусы робяць свой унёсак у будучую перамогу над рашызмам. Можна не бачыць беларускіх валанцёраў, не ведаць беларускіх дабраахвотнікаў, што змагаюцца за Украіну са зброяй у руках. Але фота бяззбройнага скрываўленага рэйкавага партызана забыць нельга. Не трэба думаць, што беларусы робяць мала. Яны робяць усё, што могуць. І часам нават больш.
Свабоду Віталю Мельніку!
Не вайне!
Жыве Беларусь!