By Belkorpus Вось з пенсіянерамі – зразумела, чаму лука іх ненавідзіць. Лічыў іх сваім галоўным “элехтаратам”, а яны ўзялі і прагаласавалі за Ціханоўскую, а потым яшчэ і на маршы выйшлі. А з падлеткамі і юнакамі чаму так жорстка?
Ну, па-першае, яны больш адукаваныя, больш прагрэсіўныя, больш талерантныя. Карацей кажучы, для лукашэнкаўскіх пацукоў яны як інтэлігент у акулярах для гопнікаў у 90-х.
Па-другое, нарадзіліся і пражылі ўсё жыццё пад уладай лукі, не ведалі іншага, а ўсё адно мараць аб пераменах, ну як тут не кінуць іх за краты.
А па-трэцяе… Па-трэцяе, самае галоўнае. Пацукі добра ведаюць, што сучасная школьнікі і студэнты не толькі ўбачаць канец лукашызму, але і пражывуць жыццё ў свабоднай краіне. Вывучацца, закахаюцца, будуць працаваць на радасць сабе і людзям, падарожнічаць, сябраваць. У іх ёсць будучыня, якой у пацукоў няма. І хочацца сапсаваць, атруціць ім хоць некалькі гадоў жыцця.
Але, таварышы пацукі, не забывайцеся: ім вы псуеце пачатак жыцця, а сабе – канец. А дакладней – жыццё да канца. Бо ваш час сінхранізаваны з часам аднаго старога і стомленага дыктатара. І аднойчы ён сыдзе – у труну, ці за краты, вам розніцы няма. Шпіц хутка знойдзе сабе новых гаспадароў. А вы – не.
Свабоду Арцёму Янкоўскаму!
Жыве Беларусь!