Далучайцеся да захавання прасторы «Робім разам» — нашага беларускага дому ў Варшаве! Для беларусаў…

Для беларусаў, якія аказаліся далёка ад радзімы, «Робім разам» — гэта не проста прастора ў цэнтры Варшавы. Гэта наш новы дом, месца яднання, дзе жыве наша культура, дзе мы адчуваем сябе часткай адзінага народа і дзе нараджаецца надзея на свабодную Беларусь.

Месца, дзе мы знаходзімся — вуліца Канстытуцыі, 6 — мае асаблівую гісторыю. Калісьці менавіта тут нараджалася польская «Салідарнасьць», тут адбываліся важныя моманты барацьбы за свабоду.

І цяпер, у сценах «Робім разам», гэтая гісторыя працягваецца, натхняе і надае нам сілы.

Нам патрэбна дапамога, каб і надалей працягваць наш дзейнасць!
https://docs.google.com/presentation/d/1DWqWk4tdoOfPuXtuyHYUlFzdCpL0NQ73Zrb7fSzvz3w/

Сродкі патрэбны для пакрыцця арэнды і камунальных выдаткаў, якія цяпер складаюць:
6548,21 злотых за арэнду,
663,84 злотых за вываз смецця,
20 340,21 злотых за камунальныя паслугі.

Стварым будучыню разам! Ваш унёсак — гэта ўнёсак у захаванне беларускай культуры і нашай супольнасці ў Варшаве.

Дзякуючы вашай падтрымцы, мы зможам і далей развівацца, ладзіць мерапрыемствы, і натхняць беларусаў у Польшчы і за яе межамі:
https://zrzutka.pl/en/f4fejk

Разам мы здольныя на вялікае!

Як знак удзячнасці, кожны, хто наведае «Робім разам», атрымае бясплатную БЧБ-стужку на запясце або заплечнік!

Кожны ўнёсак, нават невялікі, набліжае нас да мары захаваць гэты куток беларускай культуры, свабоды і надзеі.

З удзячнасцю і верай у будучыню,
Каманда «Робім разам»

Далучайцеся да нашай справы — захаваем беларускую культуру разам!