Захаваем нашу прастору свабоды і культуры разам!Дарагія сябры! Для ўсіх нас, беларусаў, якія апынул…

Дарагія сябры!

Для ўсіх нас, беларусаў, якія апынуліся далёка ад радзімы, прастора “Робім разам” — гэта ня проста месца ў цэнтры Варшавы. Гэта наш новы дом. Месца, дзе мы зноў адчуваем сябе адзіным народам, нягледзячы на адлегласьць і межы. Тут адбываецца шмат важных падзей для беларускай супольнасьці, тут жыве наша культура, захоўваецца наша памяць і нараджаецца наша надзея на будучыню.

Калісьці ў гэтых сьценах, на вуліцы Канстытуцыі, 6, нараджалася польская “Салідарнасьць”. Менавіта тут людзі змагаліся за сваю свабоду, так жа, як і мы цяпер марым пра вольную Беларусь. Гэтае месца стала сымбалем, дзе сустракаюцца нашы мары, успаміны і сіла.

Але цяпер наш дом пад пагрозай. Нам трэба аплачваць арэнду і камунальныя паслугі, якія ў гэты момант для нас непадʼёмныя, і няплата можа выклікаць закрыцьцё прасторы для ўсіх нас. Мы ня можам гэтага дапусьціць. Страта гэтага месца — гэта страта часткі сябе, нашай супольнасьці і той апоры, якая дапамагае нам справіцца з жыцьцёвымі цяжкасьцямі.

Мы зьвяртаемся да вас з адкрытымі сэрцамі і просім дапамогі! Толькі разам, толькі дзякуючы вашай падтрымцы, мы зможам захаваць гэты куток свабоды, які так шмат значыць для кожнага беларуса ў Польшчы.

Кожнае ваша ахвяраваньне — гэта ўнёсак у нашу свабоду, у нашу культуру, у наша будучыню:
https://zrzutka.pl/en/f4fejk

Нават самы маленькі ўнёсак можа стаць вырашальным крокам, які дазволіць нам працягваць працу. Мы верым у сілу салідарнасьці і ведаем, што разам мы зможам пераадолець любыя перашкоды.

З удзячнасьцю за кожную вашу дапамогу, за кожны добры водгук. Мы верым, што наш дом застанецца адкрытым для ўсіх нас, і што разам мы зможам захаваць гэты цэнтар свабоды і надзеі.

У якаясьці падзякі, кожны наведвальнік прасторы можа атрымаць бясплатна бчб-стужку на запясьце ці заплечнік. Нясем і распаўсюджваем беларушчыну разам!

Зь цеплынёй і верай у лепшае,

Каманда “Робім разам”