2 красавіка ў 1996-м у Менску адбылося масавае шэсьце супраць падпісаньня Барысам Ельцыным і Аляксандрам Лукашэнкам дамовы аб стварэньні супольнасьці Расеі і Беларусі.
Тады дзясяткі тысяч беларусаў выйшлі пратэставаць да Опэрнага тэатру ў Менску. Людзі спрабавалі прайсьці да расейскай амбасады, але шлях ім перакрылі міліцыянты. Пасьля сутычак дэманстрантаў зь сілавікамі акцыю разагналі, сотні ўдзельнікаў затрымалі.
