Прэзыдэнт Украіны Ўладзімір Зяленскі заклікаў эўрапейскія краіны адрэагаваць на разьмяшчэньне расейскіх ракет «Арэшнік» у Беларусі.
«Яны хочуць разьмясьціць „Арэшнік“ у Беларусі. Мы разумеем, прыблізны радыюс дзеяньня — 5 тысяч кілямэтраў. То бок эўрапейцам, асабліва ва Ўсходняй Эўропе трэба зьвярнуць на гэта ўвагу, і нашым балтыйскім калегам, і ўсім, на гэтыя рызыкі», — адзначыў Уладзімір Зяленскі.
Таксама ён заклікаў увесьці санкцыі супраць 25 расейскіх прадпрыемстваў, якія ўдзельнічаюць у вырабе Арэшнікаў.
Кіраўнік Службы бясьпекі Ўкраіны Васіль Малюк таксама заявіў, што летась ім удалося зьнішчыць адзін з трох «Арэшнікаў», якія існавалі на той час.
Цяпер у Расеі могуць ствараць па шэсьць такіх комплексаў на год.
