Прэм’ер Літвы абмяркуе з Тускам пытанне закрыцця межаў з Беларуссю
Прэм’ер-міністр Літвы Інга Ругінене раней ужо коратка абмяркоўвала гэтую тэму з польскім калегам Дональдам Тускам, але неўзабаве паразмаўляе з ім больш падрабязна.
30 кастрычніка кіраўнік літоўскага ўрада адправіцца ў Латвію і будзе размаўляць пра закрыццё межаў з латышскім прэм’ер-міністрам Эвікай Сіліняй. Дыялог на гэтую тэму вядзецца таксама з урадам Эстоніі.
Пра гэта Ругінене абвясціла 29 кастрычніка пасля пасяджэння ўрада, на якім пастанавілі фактычна цалкам закрыць мяжу з Беларуссю да 24:00 30 лістапада з магчымасцю падаўжэння.
