У Літве затрымалі 4 чалавек, датычных да кантрабанды цыгарэт зь Беларусі паветранымі балёнамі
Пра гэта паведаміла Генэральная пракуратура Літвы.
Іх затрымалі 26 кастрычніка на паўднёвай ускраіне Вільні. У аўтамабілі знайшлі тры скрыні з 500 пачкамі цыгарэт зь беларускімі акцызнымі маркамі ў кожнай.
Затрыманым ад 29 да 40 гадоў. Усе яны — з Салечніцкага раёну, які мяжуе зь Беларусьсю. І ўсе ўжо былі раней пад судом.
Цяпер ім пагражае да 4 гадоў зьняволеньня.
Сёлета за кантрабанду цыгарэт балёнамі ў Літве пачалі 21 расьсьледаваньне і выявілі 50 падазраваных.
Асудзілі ўжо 18 чалавек — на штрафы, а некаторых і на зьняволеньне.
