Пасадзілі маладога зампаліта пагранічнай заставы з Хойнікаў — верагодна, за дапамогу Гаюну
Як паведамляеНаша Ніва, Гомельскі абласны суд вынес прысуд па справе 31-гадовага жыхара Хойнікаў Артура Сыраквашы. Яго абвіначвалі па ч. 1 і ч. 2 артыкула 361 4 Крымінальнага кодэкса — тыповы набор для фігурантаў справы Гаюна.
Артур Сыракваша працаваў намеснікам начальніка пагранічнай заставы «Хойнікі», створанай у 2020 годзе. Быў сакратаром мясцовага БРСМ.
У канцы 2010‑х хлопца ўключалі ў участковую камісію на мясцовых выбарах у суседнім Лоеве, дзе ён тады служыў.
Найлепшым адпачынкам у жыцці Артур Сыракваша называў паездку з жонкай Кацярынай у Адэсу.
