Паводле сьледзтва, 19 ліпеня 2024 году грамадзянін Літвы адправіў зь Вільні чатыры пасылкі з самаробнымі выбуховымі прыладамі. Дзьве — у Вялікую Брытанію, дзьве — у Польшчу.
Тры з чатырох прылад спрацавалі: у аэрапорце Ляйпцыгу, у грузавіку ў Польшчы і на складзе ў Бірмінгэме.
Выбуховыя прылады былі схаваныя ў вібрацыйных падушачках і касмэтычных тубах.
Паводле сьледчых, злачынствы арганізоўвалі і каардынавалі расейцы, зьвязаныя выведкай. Некаторыя зь іх таксама датычныя да спробы падпалу IKEA ў Вільні 9 траўня 2024 году.
Колькі затрымалі, не паведамляецца. Усяго абвінавачваньні выставілі 15 чалавекам зь Літвы, Расеі, Латвіі, Эстоніі і Ўкраіны. Частка зь іх — у міжнародным вышуку.
За такія злачынствы ў Літве пагражае ад 5 гадоў да пажыцьцёвага зьняволеньня.
