У межах паездкі Уршулі фон дэр Ляен ва ўсходнія краіны Еўрасаюзу яна 31 жніўня наведае польска-беларускую, а 1 верасня — літоўска-беларускую мяжу. Такая інфармацыя размешчаная на сайце Еўрасаюза.
Чакаецца, што 29 жніўня фон дэр Ляен наведае Латвію і Фінляндыю, 30-га — Эстонію, 31-га — Польшчу і Балгарыю, 1 верасня — Літву і Румынію. Анансаваныя сустрэчы з кіраўнікамі ўрадаў і ваенным кіраўніцтвам гэтых краін.
У паведамленні зазначана, што візіт кіраўніцы Еўракамісіі “падкрэсліць падтрымку ЕС краін — чальцоў, якія сутыкаюцца з праблемамі, звязанымі з агульнымі межамі з Расіяй ці Беларуссю”.
