У Ханты-Мансійску сьледчыя СК Расеі расьсьледуюць крымінальную справу аб рыхтаваньні да тэрарыстычнага акту, замаху на забойства і наўмысным пашкоджаньні маёмасьці.
Паводле вэрсіі расейскіх сьледчых, ураджэнец Украіны і грамадзянін Беларусі, якія нібыта ёсьць «агентамі ўкраінскіх спэцслужбаў», рыхтавалі замах на расейскага добраахвотніка, што ваюе ва Ўкраіне, «з выкарыстаньнем самаробнай выбуховай прылады». Канкрэтных доказаў гэтага сьледчыя не прыводзяць.
