Першая ў найноўшай гісторыі Беларусі нацыянальная валюта афіцыйна зьявілася 25 траўня 1992 году і атрымала назву «беларускі рубель». Учора беларускаму рублю споўнілася 30 гадоў.
Правобраз нацыянальнай валюты мог узьнікнуць і значна раней за 1991 год. Размовы аб яе стварэньні вяліся ў часы БНР, аднак тады справа не зайшла далей за выпуск паштовых марак.
“Радыё Свабода” згадвае, адкуль «запазычылі» выяву таго самага зайчыка, як па-іншаму магла называцца беларуская валюта і іншыя цікавыя факты.
