Хопіць глядзець на лёс нашых краінаў вачамі Крамля

Асноўныя тэзісы выступу Прадстаўніка па замежных справах Кабінета падчас дыскусіі на на Глабальным семінары ў Зальцбургу:

нашае суседства з Украінай пачалося значна раней, бо Расеі тады папросту не існавала;

суседства з Расеяй для нас прынесла дзесяткі войнаў;

пасля Падзелаў Рэчы Паспалітай Беларусь больш чым на 200 гадоў патрапіла пад акупацыю Расеі;

расейцы выкарыстоўвалі славянскія карані, ідэалогію і рэлігію дзеля знішчэння беларускай ідэнтычнасці;

На сучасным этапе стаўленне беларусаў да Расеі змянілася, калі ў 2020-м годзе Расея падтрымала Лукашэнку, які прайграў і фальсіфікаваў выбары;

Расея не толькі змяніла сітуацыю ўнутры Беларусі насуперак волі беларускага народу, але і ўцягнула Беларусь праз Лукашэнку ў агрэсію супраць Украіны;

Расея працягвае паглынаць Беларусь, знешняя палітыка Беларусі, абарона і нацыянальная бяспека больш не кантралююцца Беларуссю;

Адсутнасць дзейнай рэакцыі Захаду на паглынанне Беларусі «рускім светам», міграцыйны крызіс прывялі да адчування беспакаранасці ў дыктатараў, у выніку: Беларусь – інструмент Расеі ў супрацьстанні з Захадам, агрэсія супраць Украіны, атака Хамаса супраць Ізраіля, якую рэжымы Лукашэнкі і Пуціна называюць “перамогай”.

Каб забяспечыць незалежнасць, Беларусь мусіць стаць дэмакратычнай, выйсці з дамоваў з Расеяй, стаць часткаю Еўразвязу;

Хопіць глядзець на лёс нашых краінаў вачамі Крамля. Расея няспынна рэалізуе свае злачынныя планы па парадакаванні суседзяў. Захаду патрэбна прыняць сваю выразную стратэгію, якая падтрымае нашыя намаганні па абароне незалежнасці і нацыянальнай ідэнтычнасці.

@BelarusiSvet