By Belkorpus Новы год і Раство – гэта час, калі адбываюцца цуды, што робіць іх асаблівымі і доўгачаканымі святамі для многіх. Летась мы разам з вамі змаглі падарыць гэтае чараўніцтва тым дзецям, чые мамы і таты зараз за кратамі. Вялікая колькасць чараўнікоў і чараўніц прынялі ўдзел у гэтым дзіўным праекце. У гэтым годзе шэсць партнёрскіх арганізацый сабраліся разам, каб аб’яднаць сем’і палітвязняў з беларусамі і беларускамі па ўсім свеце і падарыць цёплую атмасферу дзецям палітвязняў.
Мы прапануем дзецям напісаць ліст Дзеду Марозу, які падарунак яны хацелі б знайсці пад навагодняй ялінкай. Калі дзіця маленькае, то яму могуць дапамагчы дарослыя. Таксама можна прымацаваць малюнкі дзяцей у анкету. Для ўдзелу ў акцыі неабходна запоўніць форму па спасылцы.
Хто можа напісаць ліст?
дзеці (да 16 гадоў) палітвязняў;
дзеці (да 16 гадоў) палітвязняў, якія вызваліліся.
*заяўкі на падарункі для дзяцей з асаблівасцямі да 19 гадоў уключна.
Кожны чалавек можа дазволіць сабе стаць сапраўдным чараўніком, асабліва калі гаворка ідзе пра дзяцей. Бо гэта так проста – выканаць жаданне аднаго канкрэтнага дзіцяці і падарыць яму навагодні падарунак. Калі вы адчулі, што гатовы стаць Дзедам Марозам ці Снягуркай і падарыць радасць тым, у каго рэжым забраў мам і/або тат, то запоўніце, калі ласка, анкету на ўдзел
па спасылцы.
Хто можа стаць Снягуркай або Дзедам Марозам?
любы неабыякавы чалавек;
дыяспары беларусаў ва ўсім свеце;
любая арганізацыя ці ініцыятыва.
Збор заявак будзе доўжыцца да 3 снежня 2023 года ўключна.
Таксама ёсць магчымасць наўпрост ахвяраваць грошы на падарунак па спасылцы.
Арганізатары акцыі:
— Дабрачынны фонд «Краіна для жыцця»
— Праваабарончая ініцыятыва «Dissidentby»
— Дабрачынная арганізацыя «Littowin LIONS CLUB»
— Народныя амбасады Беларусі
— Association of Belarusians in America ABA