By Belkorpus 
«Мы, як і Каліноўскі, працягнем змагацца за «нашу праўду», якую ў нас зноў імкнуцца адабраць»
Прадстаўніца па нацыянальным адраджэнні Кабінета Аліна Коўшык – да дня нараджэння Кастуся Каліноўскага:
«У гэты дзень нарадзіўся наш нацыянальны герой Кастусь Каліноўскі, які на тэрыторыі нашай краіны кіраваў паўстаннем 1863-64 гадоў і ўзначальваў Часовы правінцыйны ўрад Літвы і Беларусі.
Складана знайсці іншую гістарычную постаць, якая б так яднала беларускі народ. Беларускім героем Каліноўскі прызнаваўся нават у савецкай гістарыяграфіі – як лідар сялянскага паўстання. Яго імя носяць вуліцы беларускіх і замежных гарадоў. Веру, што так будзе і надалей.
Прарасійская прапаганда не стамляецца чарніць імя Кастуся Каліноўскага, перакручваць гістарычныя факты, называць яго «польскім бунтаром» і (цяпер гэта гучыць звычайна, надзённа) «экстрэмістам».
Але мы прапагандзе не верым.
Мы ведаем пра «Лісты з-пад шыбеніцы», напісаныя па-беларуску, – той самай лацінкай, якую зараз сціраюць з вуліц Мінска.
Мы ведаем, хто пазбавіў Каліноўскага, які дбаў пра інтарэсы «мужыкоў-беларусаў», жыцця. Мы ведаем, хто пахаваў яго са звязанымі за спінай рукамі.
І мы ведаем, за што змагаецца цяпер полк, названы ў яго гонар.
У мяне няма сумненняў, што ў сумесным падручніку па гісторыі, які збіраюцца стварыць беларускі і расійскі рэжымы, аб Каліноўскім як аб героі напісана не будзе. І таму мы, як і Каліноўскі, працягнем змагацца за «нашу праўду», якую ў нас зноў імкнуцца адабраць.
Адказнасць за будучыню Беларусі на ўсіх нас – беларусах і беларусках. На бацьках і дзецях, здольных захаваць у сэрцах сваё.
Веру, што мы скончым справу Каліноўскага і станем пакаленнем, якое перамагло дыктатуру.
Да дня нараджэння Кастуся Каліноўскага Прадстаўніцтва на нацыянальным адраджэнні Кабінета прымеркавала Дзень беларускіх герояў і гераінь. Давайце зробім гэтае новае свята добрай традыцыяй».
@CabinetBelarus
Прадстаўніца па нацыянальным адраджэнні Кабінета Аліна Коўшык – да дня нараджэння Кастуся Каліноўскага:
«У гэты дзень нарадзіўся наш нацыянальны герой Кастусь Каліноўскі, які на тэрыторыі нашай краіны кіраваў паўстаннем 1863-64 гадоў і ўзначальваў Часовы правінцыйны ўрад Літвы і Беларусі.
Складана знайсці іншую гістарычную постаць, якая б так яднала беларускі народ. Беларускім героем Каліноўскі прызнаваўся нават у савецкай гістарыяграфіі – як лідар сялянскага паўстання. Яго імя носяць вуліцы беларускіх і замежных гарадоў. Веру, што так будзе і надалей.
Прарасійская прапаганда не стамляецца чарніць імя Кастуся Каліноўскага, перакручваць гістарычныя факты, называць яго «польскім бунтаром» і (цяпер гэта гучыць звычайна, надзённа) «экстрэмістам».
Але мы прапагандзе не верым.
Мы ведаем пра «Лісты з-пад шыбеніцы», напісаныя па-беларуску, – той самай лацінкай, якую зараз сціраюць з вуліц Мінска.
Мы ведаем, хто пазбавіў Каліноўскага, які дбаў пра інтарэсы «мужыкоў-беларусаў», жыцця. Мы ведаем, хто пахаваў яго са звязанымі за спінай рукамі.
І мы ведаем, за што змагаецца цяпер полк, названы ў яго гонар.
У мяне няма сумненняў, што ў сумесным падручніку па гісторыі, які збіраюцца стварыць беларускі і расійскі рэжымы, аб Каліноўскім як аб героі напісана не будзе. І таму мы, як і Каліноўскі, працягнем змагацца за «нашу праўду», якую ў нас зноў імкнуцца адабраць.
Адказнасць за будучыню Беларусі на ўсіх нас – беларусах і беларусках. На бацьках і дзецях, здольных захаваць у сэрцах сваё.
Веру, што мы скончым справу Каліноўскага і станем пакаленнем, якое перамагло дыктатуру.
Да дня нараджэння Кастуся Каліноўскага Прадстаўніцтва на нацыянальным адраджэнні Кабінета прымеркавала Дзень беларускіх герояў і гераінь. Давайце зробім гэтае новае свята добрай традыцыяй».
@CabinetBelarus