У Вільні развіталіся з былым добраахвотнікам, актывістам з Магілёва Аляксандрам Царуком.

Царук доўгі час пасля вяртання з вайны ва Украіне ўвесну 2022 года хварэў на анкалогію. Нажаль, 13 красавіка яго ня стала.

Сябры “Магілёўскай вясны” (Mayday) ведалі яго яшчэ з магілёўскага “Маршу не дармаедаў” 2017 года. Гэта быў надзвычай прыстойны, сумленны і добры чалавек, які востра перажываў несправядлівасць.

Ён заўсёды дапамагаў тым, каму трэба была дапамога, і падтрымліваў тых, хто апынуўся ў цяжкой сітуацыі. Смерць Аляксандра Царука – гэта страта для Беларусі і Магілёва.