Прафілактычная гутарка: што трэба ведаць, каб абараніць свае правы
Нядаўна стала вядома, што КДБ выклікае беларусаў, якія прыязджаюць дадому з-за мяжы, на «размовы» пра дзяржаўную здраду. Праваабаронцы адзначаюць, што ў Беларусі «прафілактычныя гутаркі» даўно сталі адным з інструментаў ціску палітычнага пераследу — іх праводзяць у міліцыі, пракуратуры і нават на працоўных месцах, універсітэтах і школах. Часта такія «размовы» выкарыстоўваюцца не дзеля прафілактыкі, а як спосаб запалохвання і збору інфармацыі.
Юрыстка «Вясны» Святлана Галаўнёва тлумачыць, як адрозніць прафілактычную гутарку ад допыту, ці абавязкова на яе з’яўляцца і як мінімізаваць рызыкі, калі вас усё ж выклікалі.
«Калі ў краіне “не да законаў”, я лічу асабліва важна, каб мы не пачыналі гуляць па такіх жа правілах. Прафілактычная гутарка не павінна станавіцца допытам без правілаў».
