Памяці Лявона Баразны: Кінапрагляд “Адданае сэрца” у Вільні 15 жніўня 1972 года – гэтая дата стала …
15.08.2025Беларусы Замежжа
Памяці Лявона Баразны: Кінапрагляд “Адданае сэрца” у Вільні
15 жніўня 1972 года – гэтая дата стала трагічнай у гісторыі беларускага нацыянальна-адраджэнскага руху. У гэты дзень у Менску, пры нявысветленых абставінах, загінуў Лявон Баразна – таленавіты мастак, лідар нацыянальна-адраджэнскага руху, сябра Уладзімера Караткевіча, чалавек, чыё жыццё было прысвечана Беларусі.
Лявон Баразна быў не проста мастаком, ён быў сумленнем сваёй эпохі. Ён змагаўся за захаванне гістарычнай спадчыны Менска, рыхтуючы акцыю пратэсту супраць знішчэння Старога горада. У 1969 годзе разам з Зянонам Пазняком ён мужна выступіў у абарону вуліцы Няміга, і іх сумесны артыкул у “Правде” прымусіў тагачаснае кіраўніцтва прыпыніць разбурэнне. Нягледзячы на тое, што ён быў галоўным мастаком Мастацкага фонду БССР і нават афармляў Менск да 900-гадовага юбілею, яго прынцыповая пазіцыя і любоў да нацыянальнай культуры часта прыводзілі да канфліктаў з савецкай сістэмай.
Яго гібель 15 жніўня 1972 года – трагічная і дагэтуль загадкавая старонка. Афіцыйна забойства было трактавана як звычайны крымінал: Лявон нібыта кінуўся на вуліцы ратаваць жанчыну ад бандытаў і атрымаў смяротны ўдар. Аднак дзяўчына імгненна знікла, а забойцы атрымалі сімвалічныя тэрміны, пазней скасаваныя амністыяй. Усе гэтыя акалічнасці даюць падставы падазраваць, што за гэтым злачынствам стаялі савецкія спецслужбы, для якіх Лявон Баразна быў небяспечным носьбітам нацыянальнай ідэі.
Запрашаем на кінапрагляд фільма “Адданае сэрца”, прысвечанага памяці Лявона Баразны – чалавека, які аддаў сваё жыццё за Беларусь, за яе гісторыю і культуру. Гэты фільм – даніна павагі яго незвычайнай мужнасці і бясконцай адданасці.
Мы ўшаноўваем памяць Лявона Баразны і ўсіх, хто з адданым сэрцам змагаўся за свабоду Беларусі і загінуў ад рук рэжыму. У гэты дзень мы таксама ўспомнім ахвяр жорсткасці жніўня 2020 года:
Аляксандр Тарайкоўскі
Аляксандр Віхор
Генадзь Шутаў
Канстанцін Шышмакоў
Дзмітрый Крыўцоў
Калі: 17 жніўня
Пачатак: 16:00
Дзе: Вільня, Беларускі Замак (Naujoji Riovonių g. 10)
Далучайцеся, каб ушанаваць памяць Лявона Баразны і тых, хто з адданым сэрцам змагаўся за будучыню Беларусі і паплаціўся за гэта жыццём!
#БЗ_афіша
Беларусы Замежжа | Даслаць навіну
15 жніўня 1972 года – гэтая дата стала трагічнай у гісторыі беларускага нацыянальна-адраджэнскага руху. У гэты дзень у Менску, пры нявысветленых абставінах, загінуў Лявон Баразна – таленавіты мастак, лідар нацыянальна-адраджэнскага руху, сябра Уладзімера Караткевіча, чалавек, чыё жыццё было прысвечана Беларусі.
Лявон Баразна быў не проста мастаком, ён быў сумленнем сваёй эпохі. Ён змагаўся за захаванне гістарычнай спадчыны Менска, рыхтуючы акцыю пратэсту супраць знішчэння Старога горада. У 1969 годзе разам з Зянонам Пазняком ён мужна выступіў у абарону вуліцы Няміга, і іх сумесны артыкул у “Правде” прымусіў тагачаснае кіраўніцтва прыпыніць разбурэнне. Нягледзячы на тое, што ён быў галоўным мастаком Мастацкага фонду БССР і нават афармляў Менск да 900-гадовага юбілею, яго прынцыповая пазіцыя і любоў да нацыянальнай культуры часта прыводзілі да канфліктаў з савецкай сістэмай.
Яго гібель 15 жніўня 1972 года – трагічная і дагэтуль загадкавая старонка. Афіцыйна забойства было трактавана як звычайны крымінал: Лявон нібыта кінуўся на вуліцы ратаваць жанчыну ад бандытаў і атрымаў смяротны ўдар. Аднак дзяўчына імгненна знікла, а забойцы атрымалі сімвалічныя тэрміны, пазней скасаваныя амністыяй. Усе гэтыя акалічнасці даюць падставы падазраваць, што за гэтым злачынствам стаялі савецкія спецслужбы, для якіх Лявон Баразна быў небяспечным носьбітам нацыянальнай ідэі.
Запрашаем на кінапрагляд фільма “Адданае сэрца”, прысвечанага памяці Лявона Баразны – чалавека, які аддаў сваё жыццё за Беларусь, за яе гісторыю і культуру. Гэты фільм – даніна павагі яго незвычайнай мужнасці і бясконцай адданасці.
Мы ўшаноўваем памяць Лявона Баразны і ўсіх, хто з адданым сэрцам змагаўся за свабоду Беларусі і загінуў ад рук рэжыму. У гэты дзень мы таксама ўспомнім ахвяр жорсткасці жніўня 2020 года:
Аляксандр Тарайкоўскі
Аляксандр Віхор
Генадзь Шутаў
Канстанцін Шышмакоў
Дзмітрый Крыўцоў
Калі: 17 жніўня
Пачатак: 16:00
Дзе: Вільня, Беларускі Замак (Naujoji Riovonių g. 10)
Далучайцеся, каб ушанаваць памяць Лявона Баразны і тых, хто з адданым сэрцам змагаўся за будучыню Беларусі і паплаціўся за гэта жыццём!
#БЗ_афіша
Беларусы Замежжа | Даслаць навіну