By Belkorpus Мы істотна палепшылі наш сайт не толькі візуальна, але і функцыянальна! Мапа стала больш зручнай і атрымала паўнавартасную мабільную версію. Ужо зараз вы можаце пабачыць абноўлены інтэрфейс і адмысловае поле для пошуку з фільтрамі, дзякуючы якому шукаць паслугі па краінах стала прасцей.
Мы палепшылі дызайн, каб візуалізацыя вашага бізнесу была больш прывабнай. Цяпер у вашу візітоўку вы можаце загрузіць відэа, а таксама самастойна ўказваць катэгорыю паслугі, калі існуючыя катэгорыі не пасуюць.
На сёння на мапе 158 кропак з беларускім бізнесам, але мы ведаем, што нас значна больш. Зрабіце рэпост гэтага запісу, каб яшчэ больш людзей маглі падтрымаць нашых людзей за мяжой! Гэты праект мы ствараем разам!
У планах каманды дадаць геалакацыю і зрабіць беларускую версію. Звяртаем вашу ўвагу на тое, што мы змяшчаем інфармацыю пра ваш бізнес на той мове, на якой вы нам даслалі ліст, але адначасова мы заахвочваем вас рабіць апісанне бізнесу на роднай мове! Дзяліцеся ўражаннямі і заўвагамі.
Ваша каманда bymapka.me і Цэнтру Беларускай Салідарнасці!